2021-08-27
Таалагддаг улс төрч
Улаанбаатар хотын иргэдээс 2014 оноос хойш сар бүр тасралтгүй улс төрчдийн рейтингийг тогтоох судалгаа авч УЛС ТӨРИЙН БАРОМЕТР хэмждэг MEC судалгааны компанийн 2021 оны наймдугаар сарын судалгааг хүргэж байна.
Судалгааны мэдээллийг наймдугаар сарын 20-22-нд Улаанбаатар хотод оршин суудаг 1000 сонгуулийн насны иргэдээс санамсаргүй түүврийн аргаар цуглуулжээ. Иргэдэд таалагддаг улс төрчдийн рейтинг өмнөх сарынхаас 1-8 хүртэлх хувиар буурчээ.
Иргэдэд үйл ажиллагаа нь таалагддаг улс төрчид,
- Ерөнхийлөгч У.Хүрэлсүх -30 хувь
- Ерөнхий сайд Л.Оюун-Эрдэнэ-25 хувь
- Ерөнхийлөгч асан Х.Баттулга-23 хувь
- УИХ-ын гишүүн Н.Алтанхуяг-16 хувь
- УИХ-ын гишүүн С.Ганбаатар-8 хувийн санал тус тус авчээ.
Үйл ажиллагаа нь таалагддаггүй таван улс төрчийг сонгох судалгааг хийхдээ иргэдээс нээлттэй асуудаг. Өөрөөр хэлбэл таалагддаггүй гурван улс төрчийн нэрийг иргэдээр нэрлүүлдэг юм.
Иргэдэд үйл ажиллагаа нь таалагддаггүй улс төрчид,
- АН-ын лидерС.Эрдэнэ-20 хувь
- Ерөнхийлөгч У.Хүрэлсүх-18 хувь
- Ерөнхий сайд Л.Оюун-Эрдэнэ-15 хувь
- УИХ-ын дарга Г.Занданшатар-13 хувь
- Нийслэлийн Засаг дарга Д.Сумъяабазар-8 хувь