2020-07-24
"Урт цагаан"-ыг нураасан ч түрээслэгчид явсангүй
"Урт цагаан" үйлчилгээний төвийг нийслэлээс шинэчлэхээр болж үйл ажиллагааг нь хаагаад байв. Түрээслэгчдийг гаргаж үйлчилгээний төвийн ус, цахилгааныг хязгаарласан ч түрээслэгчдийн олонх нь "Урт цагаан" хэмээх өнгө нь гандаж навсайсан хоёр давхар барилгадаа төвлөрсөн хэвээр. Ийм дүр зураг өчигдөр угтлаа. Өнөөдрийн байдлаар “Урт цагаан”-ы 12 корпус барилгаас нэгдүгээр корпусыг буулгаад байна. Тэнд ажиллаж, үйлчилгээ явуулж байсан зарим түрээслэгч нураасан барилга дотроо ажиллаж байна. Тэдгээр түрээслэгчид ажлын байраар хангаж өгөлгүй барилгыг нураасанд гомдолтой байгаагаа юм байна.