2020-12-19
Амтат шарвин хийх хялбар жор
Та бүхэнд дэлхийн өнцөг булан бүрт хийдэг шарвин хийх жорыг хүргэж байна. Амттай, өег энэ хоолыг томчууд төдийгүй хүүхдүүд ч амтархан иддэг билээ. Хийхэд хялбар төдийгүй жорыг нь өөрчилж болдог учраас та өөрийн хүссэн орцоо хийж болно.
Орц:
- 1 аяга гурил
- 2 халбага цагаан элсэн чихэр
- 2 халбага сода
- 1 халбага давс
- 1 өндөг
- 1 аяга сүү
- 2 хоолны халбага ургамлын тос
Хийх арга:
Өндөгөө задалж хутгаад сүү, давс, сахар зэргээ нэмээд сайтар холино. Үүн дээрээ гурил болон содаа нэмж хийгээд бөөн гурилгүй болтол нь сайтар хутгана. Миксер хэрэглэсэн ч болно, гараар хутгасан ч төвөг байхгүй.
Хайруулын тавгаа сайтар тослож халаагаад зуурмагнаасаа бага багаар тасалж авч хийгээд зуурмагаа өөрөөр нь эргүүлж тарааж 2 талаар нь хайрна. Сүүлийн үеийн наалддаггүй хайруулын тавганд тосгүй шууд шарж болно.