2021-01-01
ОХУ-ын Ерөнхийлөгч В.Путины шинэ жилийн мэндчилгээ
Оросын Эрхэм иргэд ээ! Хүндэт найзууд аа!
Хэдхэн минутын дараа 2020 он дуусах гэж байна.
Яг жилийн өмнө түүнтэй уулзахдаа та бид дэлхийн бусад хүмүүсийн нэгэн адил сайн өөрчлөлтийг бодож, мөрөөдөж байсан. Тэр үед бид бүгдээрээ ямар сорилтыг туулах ёстойг хэн ч төсөөлөөгүй.
Улиран одож буй энэ жил хэдэн жилийн ачааг үүрсэн мэт одоо санагдаж байна. Түгшүүр, асар их материалын хохирол, санаа зоволт, хэн нэгэн хайртай дотно хүмүүсээ харамсалтайгаар алдах зэргээр хүн бүрт хэцүү байлаа.
Гэхдээ, улирч буй жил нь бэрхшээлийг давах найдвар болон хүмүүсийн хоорондын амьд харилцаа болох чин сэтгэл, нөхөрлөл, итгэлцэл хичнээн их утга учиртай болохыг ухаарсан, хүн ёсны болон мэргэжлийн шилдэг чанаруудыг харуулсан хүмүүсээр бахархахтай мэдээж холбоотой байлаа.
Өвөг дээдсийнхээ уламжлалыг хүндэтгэдэг нэг ард түмэн шиг зохих ёсоор бид энэ оныг хамтдаа нэр төртэй өнгөрөөлөө. Эдгээрийн үнэ цэнэ - эр зориг, хариу үйлдэл, нигүүлсэл нь бидний зүрх сэтгэл, зан чанар, үйл хөдлөлд байдаг.
Манай эрхэм ахмад дайчид, нацизмын халдварыг ялсан эрэлхэг үеийнхэнтэйгээ бид зэрэгцэж байна. Бүх зүйлээс үл хамааран, бид хүүгийн нандин үүргээ биелүүлж, бахархал, талархалтайгаар Аугаа Ялалтын 75 жилийн ойг тэмдэглэлээ.
Тиймээ, шинэ аюултай вирус нь хэвийн амьдрал, ажиллах, сурч боловсрох арга барилыг өөрчлөн, олон төлөвлөгөөг эргэн харах, өөрчлөх шаардлагатай болсон. Гэхдээ дэлхий ертөнц нь сорилтуудоос зугтах аргагүйгээр бүтээгдсэн юм.
Вирус биднийг амьдралыг илүү нарийвчлан харж, мөс чанараа сонсож, өчүүхэн зүйлийг хаяж, дэмий үйл хийлгүйгээр, хамгийн чухал зүйлийг нь үнэлэхийг уриалж байна. Бидний гэр бүл, ээж, аав, өвөө, эмээ нь, бидний хүүхдүүд, нялх балчираас өсвөр үе нь, бидний найз нөхөд, хамт олон, хүсээгүй тусламж, улс даяарх болон багахан дүүрэг, гудамж, байшин доторх багагүй чухал ач холбогдолтой сайн үйлсийн эрч хүч - Энэ бүгд бол хүний амьдралын бэлэг юм.
Сорилт, бэрхшээл зовлон заавал өнгөрнө. Үргэлж ийм байсан. Хамгийн гол зүйл болох хайр, харилцан ойлголцол, итгэлцэл, дэмжлэг зэрэг биднийг эрхэмсэг, хүчтэй болгодог бүх зүйл бидэнтэй цуг үлднэ.
Тиймээс би улиран одож буй жилийн хүндрэл бэрхшээл хурдан замхарч мартагдаасай гэж хүсч байна. Бидний олж авсан, хүн бүрт илэрсэн хамгийн сайн сайхан бүхэн бидний дунд үүрд үлдэх нь дамжиггүй.
Өнөөдөр өөртөө итгэх, хэцүү үед ухрахгүй байх, эв нэгдлээ хадгалах нь маш чухал бөгөөд энэ бол бидний цаашдын хамтын амжилтын үндэс юм.
Бид хамтдаа бүх зүйлийг даван туулж, хэвийн амьдралыг тогтоон сэргээж, шинэ эрч хүчээр 21-р зууны ирж буй гурав дахь арван жилд Орост тулгарч буй зорилтуудыг үргэлжлүүлэн шийдвэрлэнэ гэдэгт би итгэлтэй байна.
Эрхэм найзууд аа!
Энэ мөчид бүх хүн баярын ширээндээ суугаагүй байгаа. Эмнэлэгт олон хүмүүс хэвтэж байгаа бөгөөд тэд бүгдээрээ гэр бүл, найз нөхдийнхөө дэмжлэгийг мэдэрдэг гэдэгт би итгэлтэй байна. Эрхэм хүндэт хүмүүсээ, түргэн эдгэрээд, гэртээ харихыг зүрх сэтгэлээсээ би хүсч байна.
Харамсалтай нь тахлыг хараахан бүрэн зогсоогоогүй байна. Түүний эсрэг тэмцэл нэг минут ч зогсохгүй. Эмч, сувилагч, түргэн тусламжийн баг эрэлхэгээр ажиллаж байна. Тэдний олонх нь энэ баярын үдэш жижүүрт гарч байгаа.
Онцгой байдлын алба хаагчид, хилийн чанад дахь халуун цэгүүдэд үүрэг гүйцэтгэж байгаа манай цэргийн алба хаагчид, энхийг сахиулагчид, арми, флотын байлдааны экипажууд ч гэсэн хүнд даалгаврыг өндөр хариуцлагатайгаар гүйцэтгэж, цуцалтгүйгээр албаа хааж байгаа.
Хүнд нөхцөлд, өөрсдийн албан үүргээ өдөр шөнөгүй гүйцэтгэж байгаа алба хаагчдынхаа ачаар, Оросын иргэд өнөөдөр халуун ам бүлтэйгээ, ирээдүйн сайхан мөрөөдөл, хүсэл, төлөвлөгөөтэйгөөр Шинэ оноо угтан баярлах боломжтой байна.
Хайрт найзууд аа!
Эдгээр мөчид дэргэдээ байгаа, хүндтэй эрхэм хүмүүсийнхээ, манай орны бүх иргэдийнхээ аз жаргал, баяр баясгалангийн тухай хамгийн гэгээлэг хүсэл, амар амгалан, хөгжил цэцэглэлтийн тухай мөрөөдөцгөөе.
Бид бүгдээрээ хамт байгаа болохоор та бүхэнд баярлалаа гэж хэлмээр байна. Дэргэдээ зогсож буй хүмүүсийн найдвартай гарыг мэдрэхэд Орос орон нэг том гэр бүл болдог.
Хамгийн эрхэм дотны хүмүүс учраас Та бүгдэдээ эрүүл энх, итгэл, найдвар, хайрыг чин сэтгэлээсээ хүсч байна. Ирж буй, шинэ 2021 ондоо аз жаргалтай байхыг хүсье